Алғы сөз
Оқу құралы негiзiнен жоғары оқу орындарының экономика мамандығында мемлекеттiк тiлдi тереңдетiп оқитын студенттерге арналған.
Оқу құралының негiзгi мақсаты - студенттерге мамандыққа байланысты берiлген мәтiндер мен грамматикалық материалдарды меңгерту негiзiнде сөздiк қорларын байыту, дұрыс жаза бiлу, баяндау дағдыларын қалыптастыру, ауызекi сөйлеу тiлдерiн жетiлдiру.
Оқу құралында Елбасымыздың халыққа Жолдауынан (4 сәуiр, 2003 жыл) үзiндiлер келтiрiлдi. 2003-2005 "Ауыл жылы" болып жарияланғандықтан ауыл өмiрiне байланысты материалдар енгiзiлдi.
Оқу құралының соңында тақырыптық сөздiк және студенттердiң өз бетiмен оқуына арналған мәтiндер берiлген.
Оқу құралында берiлген кейбiр мәтiндер, сұхбаттар баспасөз және ақпарат құралдары деректерi негiзiнде жазылды. Кейбiр мәтiндер қысқартылып, ықшамдалып алынды.
Оқу құралының авторлары ескертулер мен ұсыныстарды ризашылықпен қабылдайды.
| 
